Golf er góð skemmtun. Selsvöllur á Efra-Seli er krefjandi golfvöllur í fallegu umhverfi. Í golfskálanum er veitingastaðurinn Kaffi-Sel staðsettur þar sem finna má gómsætar veitingar. Endilega skoðaðu síðuna okkar og þú finnur eitthvað við þitt hæfi. Hér getur þú skoðað matseðilinn okkar, pantað rástíma eða litið í myndasafnið. Það er líka við hæfi að kanna hvernig veðrið er, það er alltaf vinsælt!
Veðurstöðin
Selsvöllur er með fallegustu völlum á Íslandi. Skógrækt setur sterkan svip á völlinn þar sem brautirnar eru umluktar trjám. Þú skalt ekki láta blekkjast ef það er logn á brautinni, vindurinn getur tekið völdinn í háloftunum!
Kaffi-Sel er fjölskyldufyrirtæki sem hefur verið rekið af sömu aðilum frá árinu 1985. Okkar aðalsmerki eru pizzurnar sem þykja afar góðar. Hráefnið kemur að langmestu leyti úr Hrunamannahreppi; sveppirnir, tómatarnir, paprikan, 100% íslenskur ostur (jurtaostur hefur aldrei verið notaður!!!!) og sósan er aðalleyndarmálið!
Flúðir og nágrenni er rómað veðursældarsvæði. Við sem búum í þessari fögru sveit látum veðráttuna sífellt koma okkur á óvart. Stundum verður okkur á orði að þetta sé einstakt sumar eða í vetur hafi stillur verði óskaplega tíðar. Við höfum enga stjórn á þessu, í alvörunni!
Á Flúðum finnur þú alla nauðsynlega þjónustu; verslun, sundlaug, hraðbanka, vínbúð ofl. Gistiframboð er gott í hreppnum og sveitamarkaðurinn á sumrin klikkar ekki. Þá gefst gott tækifæri til að versla hráefnið beint frá bændum úr Uppsveitum. Góðar samgöngur eru okkur mikilvægar og hægt og sígandi fara þær batnandi. Reykholt og Flúðir eru nú nátengd með Bræðratunguvegi og brú yfir Hvítá. Það er bara flott.
